ARSENALA. antolamendua. Niveko Unibertsitate kanpusaren handitzea

Niveko Unibertsitate Kanpusa handitzeko egindako lehen proposamenetik bigarrenera bi aldaketa nabarmen proposatu ditugu. Lehenengoa orubea zeharkatuko duen errepide nagusiaren trazatua aldatzea izan da, elizaren aztarnen eta Rue Pelletier artean kokatzetik orubea diagonalean zeharkatzera pasa dugu. Era honetan Pelletier kalea peatonala izatera pasako litzateke etorkizuneko komertzioen zabaltzea ahalbidetuz eta aztarnen inguruan sortuko den plaza unibertsitate erabileratik bereiztuz.

Eraikinaren aldaketak eraikinaren geometria aldaketa bultzatu du, bigarren transformazio nagusia izanik. Eraikin jarraiaren plantako geometrian angelu zorrotzagoak sortzearekin izaera ezberdineko espazioen zonakatzea nabarmenagoa egin da. Bestalde eraikina Nive ibaira gehiago hurbildu dugu iritsiera eta eraikinetik izango diren bisten kalitatea handiagotzeko.

ARSENALA. eraikina + espazio publikoak

Baionako Arsenalean Kanpusaren handitze proposamenaren helburua programa guztia orubea antolatzen duen elementu jarrai bakar batean bateratzea da. Elementu honen kokapena lekuaren memoriak baldintzatuko du hein handi batean (kanala, elizaren aztarnak, platanoak), gure borondatea lekuaren historia proiektuan barneratzea bait da.

Errepidearen trazatu berria orubearen erditik planteatzen da, era honetan aztarnak errepidetik aldentzen dira eta autoen zirkulazioa errazten da. Errepidearen eta eraikinaren geometriaren bateratzetik, eta aurrez lekuan aurkitzen diren aztarna eta begetazioren kokapenagatik izaera ezberdina izango duten espazio publikoak sortuko dira (8). Bakoitzak inguratzeile eta erabilera ezberdinak izango dituenez, banan banan landuko dira.

Espazio publiko hauek bi taldetan banatuko dira, hiri eremuarenak eta kanpusarenak, taldekatu arren beraien artean komunikatuak egongo dira oinezkoentzat. Eraikina izango da bien arteko "muga", horrela batera zein bestera eraikinak izango dituen itxiturak ezberdinak izango dira. San Francisco konbentu aldera fatxadak itxiagoak izango dira, artxiboen bi eraikinen aldera berriz irekiagoak.

Kanpusaren izaerari dagokionez, fakultate guztiak (gaurko Nive, arkitektura eta paisaia) elkarren artean konektatuak egotea proposatzen da. Ikasle erresidentzia ere eraikin beraren luzapena izango da, ibai ertzera helduz.

ARSENALA. ideiaren aurre-ematea. Nive Unibertsitate kanpusaren handitzea

Arsenala. ordenazioa

DOSSIERa 2011

DOSSIERa 2011

PLACE DU REDUIT. proposamena

Kurtsoko lehen ariketa honen helburua Baionako Place du Reduit berregituratzea eta aldi berean Sebastien Le Prestre de Vauban (1633-1707)-ri omenaldia egitea da. Plaza hau Baionako leku estrategiko batean kokatua dago, Adour eta Nive ibaiak elkatzen diren puntuan. Bastioi hau Adour-etik hirirako sarrrera babesteko sortu zen eta bertan Porte de France edo de Saint Esprit delakoa ireki zen. 1909.ean bastioia desegin zen eta Lavigerie kardenalari eskeinitako estatua kokatu zen eta plaza gaur egun duen itxurara hurbiltzen hasi zen.

Place du Reduit-en berrikuntzan gehitu beharreko programa ondorengoa da: Vauban-i monumentua (memoriala), turismo informaziorako bulegoa (80m2), taberna/kafetegia (150m2) eta komun publikoak (30m2).

Proiektuaren helburuak:

- gaur isolatuta geratu den plaza-begiralekua erabileran jartzea.

- Vauban-en memoriala: bastioiaren jatorrizko egoeraren gaurkotzea, bere lanaren berreskurapenaren bidez bere figura gogora ekartzeko asmoarekin. Errobi gaineko egurrezko azken zubiaren (1) berreskurapena + Frantziako atea (2), hirira sarreraren ideia berreskuratu + bastioiaren jatorrizko geometriaren (3) berreskurapena.

- plaza zerbitzu minimoez hornitzea.

Helburu hauek lortzeko estrategia:

- Frantziako atea kokatzen zen lekuan harresiaren geometriaren berreskurapena.

- Bastioia osatzen duen duen hormaren gainean kokatuko da proiektua, pasarela ekipatu moduan.

- Pasarela Adour ertzean gaur kokatzen den aparkalekutik abiatuko da eta plaza ondoko errepide korapilo gainetik pasa ondoren ekipamendu berriaren estalki bilakatuko da, azkenik pasarelak zubi moduan Errobi ibaia zeharkatuko du udaletxeko plazara helduz.

- Gaur egungo Errobi gaineko azken zubia eta pasarela berriak sortuko duen zubi berriaren artean, Reduit plaza Errobiko uretara gerturatuko duen plataforma bat eraikiko da.

- Katedraletik datorren Victor Hugo kalea pasarelaren bigarren adar baten zehar begiraleku berrira helduko da oinezkoa.